ଭାରତୀୟ ସେନାର ଜଣେ ଡ୍ରାଇଭର୍ ପାକିସ୍ତାନକୁ ଗୁପ୍ତ ସୂଚନା ଦେଉଥିଲା, ଗିରଫ ହେଲା

ଭାରତୀୟ ସେନାର ସିଭିଲିଆନ୍‌ କାର୍ଯ୍ୟାଳୟରେ କାମ କରୁଥିବା ଜଣେ ଡ୍ରାଇଭରକୁ ରାଜସ୍ଥାନ ପୋଲିସର ଇଣ୍ଟେଲିଜେନ୍ସ ଟିମ୍‌ ଗିରଫ କରିଛି । ଡ୍ରାଇଭରର ନାମ ରାମନିବାସ ଗୌରା ବୋଲି ଜଣାପଡ଼ିଛି ।

ଏହି ପ୍ରସଙ୍ଗରେ ସମ୍ପୂର୍ଣ୍ଣ ସୂଚନା ଦେଇ ରାଜସ୍ଥାନ ପୋଲିସର ଅତିରିକ୍ତ ଡାଇରେକ୍ଟର୍‌ ଜେନେରାଲ୍ (ଇଣ୍ଟେଲିଜେନ୍ସ) ଉମେଶ ମିଶ୍ର କହିଛନ୍ତି ଯେ ପରବତସର୍‌ ନାଗୌରର ବାସିନ୍ଦା ରାମନିଭାସ ଗୌରା ଜୟପୁରର ନିବାରୁରେ ସେନାର କାର୍ଯ୍ୟାଳୟରେ କାମ କରୁଥିଲା ।

ପାକିସ୍ତାନୀ ଗୁପ୍ତଚର ଏଜେନ୍ସି ଦ୍ୱାରା ପରିଚାଳିତ ଏକ ଛଦ୍ମ ସୋସିଆଲ ମିଡ଼ିଆ ଆକାଉଣ୍ଟ ଜରିଆରେ ଗୌରା ସେମାନଙ୍କ ସହ ଯୋଗାଯୋଗ କରୁଥିବା ଜଣାପଡ଼ିଛି । ଭାରତୀୟ ସେନା ସହ ଜଡ଼ିତ ରଣନୈତିକ ଗୁରୁତ୍ୱପୂର୍ଣ୍ଣ ସୂଚନା ସେ ସେମାନଙ୍କୁ ପଠାଉଥିଲା ବୋଲି ମିଶ୍ର କହିଛନ୍ତି ।

ଗୌରାକୁ ଗିରଫ କରିବା ପରେ ତଦନ୍ତ ଏଜେନ୍ସିମାନେ ତାଙ୍କୁ ପଚରାଉଚରା କରିବାରେ ଲାଗିଛନ୍ତି । ଗଣମାଧ୍ୟମର ରିପୋର୍ଟ ଅନୁଯାୟୀ ପଚରାଉଚରାରୁ ଜଣାପଡ଼ିଛି ଯେ ରାମନିବାସ ଗୌରା ଭାରତୀୟ ସେନା ସହ ଜଡ଼ିତ ରଣନୀତିକ ସୂଚନା ପଠାଇବା ପ୍ରତିବଦଳରେ ଟଙ୍କା ପାଇବା ପାଇଁ ନିଜ ବ୍ୟାଙ୍କ ଆକାଉଣ୍ଟ ତଥ୍ୟ ପାକିସ୍ତାନୀ ଗୁପ୍ତଚର ଏଜେନ୍ସିକୁ ପଠାଇଥିଲା ।

ଏହା ଏକ ହନି ଟ୍ରାପ୍‌ ମାମଲା ଲାଗୁଛି । ରାମନିବାସ ଗୌରା କେମିତି ସେହି ପାକିସ୍ତାନୀ ଗୁପ୍ତଚରଙ୍କ ସହ ସମ୍ପର୍କରେ ଆସିଲେ ତାହା ଜାଣିବାକୁ ଉଦ୍ୟମ କରୁଛନ୍ତି ତଦନ୍ତକାରୀ ଏଜେନ୍ସିମାନେ ।