IPL 2020: ଏହି ସିଜିନରେ ମୟନ୍ତି ଲେଙ୍ଗର ଟକ୍କର ଦେବେ ଅଷ୍ଟ୍ରେଲିଆର ଏହି ଆଙ୍କର୍; ଭାରତରେ ପୂର୍ବରୁ ଅଛନ୍ତି ଅନେକ ପ୍ରଶଂସକ

ବିସିସିଆଇ ଆଇପିଏଲର ୧୩ତମ ସିଜନ୍ ପାଇଁ କମେଣ୍ଟ୍ରି ପ୍ୟାନେଲ୍ ଘୋଷଣା କରିଛି । ପ୍ୟାନେଲରେ ମନୋନୀତ ହୋଇଥିବା ନାମ ଗୁଡ଼ିକରେ ମହିଳା କ୍ରୀଡ଼ା ଆଙ୍କର୍ ମଧ୍ୟ ଅନ୍ତର୍ଭୁକ୍ତ ଅଛନ୍ତି । ଭାରତର ଷ୍ଟାର୍ ସ୍ପୋର୍ଟସ୍ ଆଙ୍କର୍ ମୟନ୍ତି ଲେଙ୍ଗରଙ୍କୁ ଏଥର କଡ଼ା ଟକ୍କର ଦେବା ପାଇଁ ଅଷ୍ଟ୍ରେଲିଆର ନେରୋଲି ମିଡୋସ୍ ମଧ୍ୟ ସାମିଲ ହେବେ। (ଇନଷ୍ଟାଗ୍ରାମ)

ନେରୋଲି ମିଡୋସ୍ ଅଷ୍ଟ୍ରେଲିଆ ନିବାସୀ ଓ କ୍ରୀଡ଼ା ଆଙ୍କର୍ ଭାବରେ କ୍ରିକେଟ୍ ଜଗତରେ ସେ ଏକ ଜଣାଶୁଣା ନାମ । ଗତ ବର୍ଷ ପର୍ଯ୍ୟନ୍ତ ସେ ଫକ୍ସ ସ୍ପୋର୍ଟସରେ କାମ କରି ଆସୁଥିଲେ। (ଇନଷ୍ଟାଗ୍ରାମ)

ନେରୋଲି ଗତ ଦଶ ବର୍ଷ ହେବ କେବଳ କ୍ରିକେଟ୍ ନୁହେଁ ବରଂ ଫୁଟବଲ୍, ଟେନିସ୍, ରଗବୀ ଓ ବାସ୍କେଟବଲ୍ ଭଳି ଅନେକ କ୍ରୀଡ଼ାରେ ଜଡି଼ତ ଅଛନ୍ତି । ବର୍ତ୍ତମାନ ବିସିସିଆଇ ତାଙ୍କୁ ଆଇପିଏଲ୍ ପାଇଁ ଚୟନ କରିଛି । ଯାହାକୁ ନେଇ ନେରୋଲିଙ୍କୁ ବହୁତ ଖୁସି ଅଛନ୍ତି । (ଇନଷ୍ଟାଗ୍ରାମ)

ଗତ ବର୍ଷ ଇଂଲଣ୍ଡରେ AFL ଓ କ୍ରିକେଟ୍ ବିଶ୍ୱକପ୍‌ରେ ନେରୋଲି ଅଂଶଗ୍ରହଣ କରିଥିଲେ । ତାଙ୍କୁ ସର୍ବଶ୍ରେଷ୍ଠ କ୍ରୀଡ଼ା ଆଙ୍କର୍ ଭାବରେ ବିବେଚନା କରାଯାଏ ଓ କୁହାଯାଏ ଯେ ତାଙ୍କର କ୍ରିକେଟ୍ ଜ୍ଞାନ ବାକି ଆଙ୍କର୍ ଅପେକ୍ଷା ବହୁତ ଅଧିକ । (ଇନଷ୍ଟ୍ରାଗ୍ରାମ)

ଭାରତରେ ନେରୋଲିଙ୍କ ପ୍ରଶଂସକଙ୍କ ମଧ୍ୟ ଅଭାବ ନାହିଁ । ପ୍ରଶଂସକମାନେ ଦୀର୍ଘ ଦିନ ଧରି ଟ୍ୱିଟରରେ ବିସିସିଆଇରୁ ଦାବି କରିଆସୁଥିଲେ ଯେ ନେରୋଲିଙ୍କୁ ଆଙ୍କର୍ ପ୍ୟାନେଲରେ ଅନ୍ତର୍ଭୁକ୍ତ କରାଯାଉ । ବର୍ତ୍ତମାନ ସେ ଆଇପିଏଲର ଏକ ଅଂଶ ହୋଇସାରିଥିବାରୁ ସେ ପ୍ରଶଂସକଙ୍କୁ ଧନ୍ୟବାଦ ଜଣାଇଛନ୍ତି । (ଇନଷ୍ଟାଗ୍ରାମ