Gold Price Today: ଖୁସି ଖବର! ବର୍ତ୍ତମାନ ପର୍ଯ୍ୟନ୍ତ ୧୧୦୦୦ ଟଙ୍କା ଶସ୍ତା ହୋଇ ସାରିଛି ସୁନା; ଜାଣନ୍ତୁ ଆଜିର ଦାମ୍

News18 Odia Digital
ନୂଆ ଦିଲ୍ଲୀ: ଆଜି ସୁନା-ରୂପା ଦରରେ ସାମାନ୍ୟ ବୃଦ୍ଧି ଦେଖିବାକୁ ମିଳିଛି । ମଲ୍ଟି କମୋଡିଟି ଏକ୍ସଚେଞ୍ଜରେ (Multi commodity exchange) ଏପ୍ରିଲ୍ ଫ୍ୟୁଚର ଟ୍ରେଡ଼ ୩୮୨.୦୦ ଟଙ୍କା ବୃଦ୍ଧି ସହିତ ସୁନା ପ୍ରତି ୧୦ ଗ୍ରାମ ୪୬,୧୧୮.୦୦ ଟଙ୍କା ସ୍ତରରେ ରହିଛି । ଏହା ବ୍ୟତୀତ ରୂପା ମାର୍ଚ୍ଚ ଫ୍ୟୁଚର ଟ୍ରେଡ଼ରେ ୮୮୯.୦୦ ଟଙ୍କା ବୃଦ୍ଧି ପାଇ ପ୍ରତି କିଲୋଗ୍ରାମ ୬୮,୧୫୦.୦୦ ସ୍ତରକୁ ବୃଦ୍ଧି ପାଇଛି । ୮ ମାସର ନିମ୍ନ ସ୍ତରରେ ଋକଭରୀ ଦେଖିବାକୁ ମିଳିଛି ।

ଏହା ବ୍ୟତୀତ ଅନ୍ତର୍ଜାତୀୟ ବଜାରରେ ସୁନା ଦର ମଧ୍ୟ ବୃଦ୍ଧି ପାଇବାରେ ଲାଗିଛି । ଯୁକ୍ତରାଷ୍ଟ୍ରରେ ସୁନା କାରବାର ୫.୯୫ ଡଲାର ବୃଦ୍ଧି ସହିତ ୧.୭୫୦.୧୭ ଡଲାର ପ୍ରତି ଆଉନ୍ସ ବନ୍ଦ ହୋଇଛି । ଏଥି ସହିତ ରୂପା ୦.୨୧ ଡଲାର ବୃଦ୍ଧି ସହିତ ୨୬.୮୯ ଡଲାର ପ୍ରତି ଆଉନ୍ସ ସ୍ତରରେ ରହିଛି ।

ଦିଲ୍ଲୀରେ ୧ ମାର୍ଚ୍ଚ ୨୦୨୧ ରେ ସୁନା ଓ ରୂପା ଦାମ୍
>> ୨୨ କ୍ୟାରେଟ୍ ସୁନା ଦାମ୍ (ପ୍ରତି ୧୦ ଗ୍ରାମ) - ୪୪୮୧୦ ଟଙ୍କା
>> ୨୪ କ୍ୟାରେଟ୍ ସୁନା ଦାମ୍ (ପ୍ରତି ୧୦ ଗ୍ରାମ)- ୪୮୯୧୦ ଟଙ୍କା
>> ରୂପା ଦାମ୍ - (ପ୍ରତି କିଲୋଗ୍ରାମ) ୬୭୫୧୦ ଟଙ୍କା

ଏପର୍ଯ୍ୟନ୍ତ ୧୧୦୦୦ ଟଙ୍କା ଶସ୍ତା ହୋଇସାରିଛି ସୁନା
ଦିଲ୍ଲୀ ସରଫା ବଜାରରେ ୭ ଅଗଷ୍ଟ ୨୦୨୦ ରେ ସୁନା ଦାମ୍ ୧୦ ଗ୍ରାମ ପିଛା ୫୭,୦୦୮ ଟଙ୍କା ସ୍ତରରେ ବନ୍ଦ ହୋଇଥିଲା । ସେବେଠାରୁ ଏହି ମୂଲ୍ୟବାନ ହଳଦିଆ ଧାତୁର ଦର ୨୬ ଫେବୃଆରୀ ୨୦୨୧ ଶୁକ୍ରବାର ପର୍ଯ୍ୟନ୍ତ ୧୧,୪୦୯ ଟଙ୍କା ହ୍ରାସ ପାଇ ସାରିଛି । ଏଥି ସହିତ ୭ ଅଗଷ୍ଟ ୨୦୨୦ ରେ ରୂପା ଏକ କିଲୋଗ୍ରାମ ଦାମ୍ ୭୭,୮୪୦ ଟଙ୍କା ଥିଲା । ଯାହା ଶେଷ ଶୁକ୍ରବାର ଦିନ ସୁଦ୍ଧା ୧୦,୪୨୧ ହ୍ରାସ ପାଇ ୬୭,୪୧୯ ଟଙ୍କାରେ ପହଞ୍ଚିଛି ।

୨୦୨୧ ରେ ଦର ବୃଦ୍ଧି ହେବ
ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ୨୦୨୧ ରେ ସୁନା ଦର ବୃଦ୍ଧି ହେବାକୁ ଯାଉଛି । ଆହୁରି ମଧ୍ୟ ସୁନା ୭ ରୁ୧୦ ପ୍ରତିଶତ ନିବେଶ ପୋର୍ଟଫୋଲିଓରେ ବିବିଧତା ଆଣିଥାଏ । ବିଶେଷଜ୍ଞମାନେ ପୂର୍ବାନୁମାନ କରିଛନ୍ତି ଯେ ଥରେ ସୁନା ମୂଲ୍ୟ ବଢ଼ିବା ଆରମ୍ଭ କଲେ ଏହା ୧୦ ଗ୍ରାମ ପିଛା ୬୨,୦୦୦ ଟଙ୍କା ଅତିକ୍ରମ କରିବ ।