ପେଟ୍ରୋଲ ଓ ଡିଜେଲର ଦାମ୍ ବୃଦ୍ଧି ଉପରେ ଧର୍ମେନ୍ଦ୍ର ପ୍ରଧାନଙ୍କ ସ୍ପଷ୍ଟୀକରଣ; ଜାଣନ୍ତୁ କାହାକୁ କଲେ ଦାୟୀ

News18 Odia Digital
ଭୁବନେଶ୍ୱର: ପେଟ୍ରୋଲ ଓ ଡିଜେଲର ଦାମ୍ ବର୍ତ୍ତମାନର ସର୍ବୋଚ୍ଚ ସ୍ତରରେ ରହିଛି । ଇନ୍ଧନର ଦର ବୃଦ୍ଧିକୁ (Rising Fuel Prices) ନେଇ ବିରୋଧୀ ଦଳ ସରକାରଙ୍କ ଉପରେ ଲଗାତାର ଟାର୍ଗେଟ କରୁଛନ୍ତି । ଏଥି ସହିତ ପେଟ୍ରୋଲ ଓ ଡିଜେଲର କ୍ରମାଗତ ବୃଦ୍ଧି ନେଇ ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ (Dharmendra Pradhan) ସ୍ପଷ୍ଟୀକରଣ ଦେଇଛନ୍ତି । ସେ ଶନିବାର ଦିନ ତୈଳ ଉତ୍ପାଦନକାରୀ ଦେଶଗୁଡ଼ିକୁ (Oil Producing Nations) କୃତ୍ରିମ ରୂପରେ ଦର ବୃଦ୍ଧି କରିବାକୁ ଦାୟୀ କରିଛନ୍ତି ।

ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ରବିବାର ଦିନ କୋଚିର ବିପିସିଏଲ କୋଚି ରିଫାଇନାରୀରେ ପେଟ୍ରୋକେମିକାଲ୍ ପାର୍କର ଉଦଘାଟନୀ ଉତ୍ସବରେ ସାମିଲ ହେବାକୁ ଆସିଛନ୍ତି । ପେଟ୍ରୋଲିୟମ ମନ୍ତ୍ରୀ କହିଛନ୍ତି ଯେ ଅଶୋଧିତ ତୈଳ ମହଙ୍ଗା ହୋଇଥିବାରୁ ଆମେ ମୂଲ୍ୟକୁ ନେଇ ଚ୍ୟାଲେଞ୍ଜର ସମ୍ମୁଖୀନ ହେଉଛୁ ।

ପେଟ୍ରୋଲିୟମ ଦ୍ରବ୍ୟର ଚାହିଦା ହ୍ରାସ
ସେ କହିଛନ୍ତି ଯେ କୋଭିଡ -୧୯ ଲକଡାଉନ ଯୋଗୁଁ ସାରା ବିଶ୍ୱରେ ପେଟ୍ରୋଲିୟମ ଦ୍ରବ୍ୟର ଚାହିଦା ହ୍ରାସ ପାଇଛି ଓ ପେଟ୍ରୋଲିୟମ ଉତ୍ପାଦନକାରୀଙ୍କୁ ଉତ୍ପାଦନ ହ୍ରାସ କରିବାକୁ ପଡିବ । ସେ ଆହୁରି ମଧ୍ୟ କହିଛନ୍ତି, 'ବର୍ତ୍ତମାନ ଅର୍ଥନୀତି ପୁଣି ଫେରିଛି ଓ କୋଭିଡ -୧୯ ପୂର୍ବରୁ ଭାରତ ସ୍ଥିତିକୁ ଫେରି ଆସିଛି । ତଥାପି ତୈଳ ଉତ୍ପାଦନକାରୀମାନେ ଉତ୍ପାଦନ ବୃଦ୍ଧି କରିନାହାଁନ୍ତି । ''

Oil Minister Dharmendra Pradhan on rising fuel prices: I am sorry to say oil rich countries are not looking into interest of consuming countries. They created an artificial price mechanism. This is pinching consuming countries.

— Press Trust of India (@PTI_News) February 13, 2021

ସେ କହିଛନ୍ତି ମୁଁ ଦୁଃଖିତ ଯେ ତୈଳ ଉତ୍ପାଦନକାରୀ ଦେଶ ଗ୍ରାହକ ଦେଶର ସ୍ୱାର୍ଥ ବିଷୟରେ ଚିନ୍ତା କରୁନାହାଁନ୍ତି । ସେ କୃତ୍ରିମ ମୂଲ୍ୟ ଯାନ୍ତ୍ରିକତା (Artificial Price Mechanism) ସୃଷ୍ଟି କରିଛନ୍ତି । ଏହା ଗ୍ରାହକ ଦେଶ ପାଇଁ ଅସୁବିଧା ସୃଷ୍ଟି କରୁଛି । ”ପେଟ୍ରୋଲିୟମ ମନ୍ତ୍ରୀ କହିଛନ୍ତି ଯେ ଯଦିଓ ତୈଳ ଉତ୍ପାଦନକାରୀ ଦେଶ ଉତ୍ପାଦନ ବୃଦ୍ଧି ବିଷୟରେ କିଛି ସକାରାତ୍ମକ କଥା କହିଛନ୍ତି ।